خايفة من الفضيحة اش بغيت نقولهم عاونوني راني ف حاجتكم
سلام اخواني انا شابة عمري 23 سنة كنطلب منكم النصح عفاكم وقع لي مشكل عقدني ف حياتي و اثر ليا علي حياتي بزاف تمنيت كون نموت و ما نعيش هديك لحظة بقى كنتخيلها بحالا وقعاتلي غا البارح و مشكلتي اني تعرضت للاغتصاب بعنف كنت خارجة نتلقى صحاباتي و تباعني شاب بغا رقمي بطبيعة الحال رفضت و قلت سمح لي خويا مايمكنش لي و لكن بقى مصر و فهمني بلي باغي نمرتي باش يتعرف علبا باحترام و باغيني للزواج ف الحلال زعما انا ف الاول كنت رافضة و لكن اصرارو عليا خلاني نقول يمكن يكون بصح ولد حلال و باغي يبني دارو و مستقبلو ماشي عيب نعطيه فرصة و لاتفاهمنا مرحبا علاش لا مهم خدا رقمي و تصل بيا و درنا لغد نشربو قهوة و نحكيو طبعا مهم تلاقيتو و دوينا و تفاهمنا و كان داير لي خاطري بزاف و ماكنتش دايرة ف بالي بلي تفرش ليا على الغدر مهم سالينا و صونات لي صاحبتي و كان جنبي و قاتلو مع سلامة فرصة اخرى انشاء الله قالي ضروري نوصلك عند صاحبتكك و مع كانت بعيدة اضطريت نقبل من بعد اصرار منو ركبت وانا ممرتحاش حاسة بشي حاجة ماهياش مهم تحركنا و خرجني على المدينة ف الغابة خالية و تكرفس عليا خدا لي شرفي حاولت نهرب و لكن شدني و شبععني عصا حيت حاولت نهرب تعدى عليا و ضربني و ستمر الاغتصاب تال ست ساعات من بعد جابني للمدينة و كان الحال معطل بزاف و حطني و قالي عنداك يقول لك راسك تعلمي بيا بوليس راكي ماشي قاصرة و ركبتي معايا بخاطرك ماشي خاطفك و انا كنت مصدومة و فاقدة للوعي و انا داك الوقت ماكونتش ساكنة مع مالين دارنا كنت تنقرا بعيد على مدينتي و كارية مع البنات هادشي خزنتو على دارنا حيت ما عمرهوم اتقابلوها و سكت و بقى هدا سري لي معدبني كل نهار تحفر فيا و تجوني خطاب و تنرفض حيت خايفة من الفضيحة اش بغيت نقولهم عاونوني راني ف حاجتكم
l3fouuu siyida tjr2At o7kat likom lmochkil li ma3ndoch solutionn bla mayb9A izzid 3liha , lmohim deri amalk flah rj3i li khl9Ak howa maghaykhebakch ,o3ndak deri amalk flbachar
ردحذفtout d abord fat remercier dieu que t es en bon sante juste il te faut de la psytherapie problme de la virginite mtn disant y bcp d operation qui regle ce problememais ne commence pas ta vie avec de mensonges un jour tu trouvera oueld nas pour plus information voilamon mail je peux t aide hic_ben^@hotmail.fr
ردحذف