أخر الاخبار

الأربعاء، 20 مارس 2013

مشكيلتي كلام ناس خلاني ف حيرة وغبينا

مشكيلتي كلام ناس خلاني ف حيرة وغبينا
مشكيلتي كلام ناس خلاني ف حيرة السلام عليكم غتسمحو لي حيت غنطول عليكم أنا عندي 17 سنة مازال كنقرا خطبني واحد لولد كبر مني عندو 31 عام أنا موافقتش فلول ولكن صحبتي لي بحل ختي قالت لي هدري معاه شوفي عقليتو كيف راهى إلى عجبك توكلي على لله او ميهمكش سن لمهم أنا درت بنصيحتها لقيتو لله يعمرها دار سواءً فلخلق ديالو ولا فدينو والحمد لله ملي كنت كنطلع لوراق ديال لاكت غاع لي فل مقاطعة قالو ليا نتي لي غدتزوجي ؟ باق صغيرة !! او وحدة بركات عليا بلهدرة قالت ليا نتي صغيرة او هو كبر منك بزاف هو عيش حياتو او نتي يلاه بادية كملي قرايتك او تتكون عندك واحد l’expérience وعيشي ta vie (وخى معرفتش شنو كتعني بهاد l’expérience او عيشي ta vie صراحة أنا عمري فحياتي متصاحبت مع شي دري ) او مع لعلم أنه قال لي قرايتك ولا بد تكمليهى حيت باغيني نكون فواحد لمستوى هو قال لي بلي مغيخصني معاه حتى شي خير ولكن تقريباً غاع صحابتي قالو ليا بلي مازال صغيرة على زواج او مغتقدرش على لمسؤلية كنت غاندير لاكت ف شهر 12 ولكن تعكسات لأمور قالو ليا بلي مازال قاصر تتكملي 17.5 سنة وهنا حسيت براسي بديت كنبعد عليه مبقيتش كيف كنت معاه فلول بهدرت ناس حسيت بلي بديت كنتراجع حيت أنا كنتأتر بهضرتهم بزاف الله إيجازيكم بخير نصحوني كيفاش نتجنب كلام ناس وأنا عارفة بلي غنعيش معاه فسعادة بإذن الله ولكن لمحيط ديلي كيشوش لي تفكيري وش بصح زعما نبعد عليه حيت هو كبر مني ؟ ولا نكمل معاه vraiment والله لعظيم حتى كيبغيني او حتى أنا









مواضيع مشابهة :

ليست هناك تعليقات :

إرسال تعليق

الدولي

الرياضة الجزائرية

الصحة والرشاقة

علوم و تكنولوجيا

المطبخ

أنت و طفلك

الولايات

رياضة عالمية

جميع الحقوق محفوظة ©2013